PSZH ka edhe vetëm dy ditë për ta larguar Nejmarin

Sipas Sky Sports, Paris Sen Zhermeni po përballet me një afat pothuajse të pamundur për të hequr qafe brazilianin Nejmar. Ata tani duhet ta shesin 30-vjeçarin deri të premten më 1 korrik ose kontrata e tij do të zgjatet automatikisht deri në vitin 2027.

Klauzola thotë se kontrata e brazilianit prej 700,000 euro në javë, e cila zgjat deri në vitin 2026, do të zgjatet edhe për një vit të premten.Kjo do të thotë se nëse ata nuk arrijnë të heqin qafe lojtarin, PSZH-ja do t’i duhet të paguajë 36.12 milionë euro të tjera për Nejmarin.

E përditshmja spanjolle “AS”, raporton se skuadra e Nejmarit ka qenë në kontakt me Juventusin për një transferim të mundshëm  dhe u refuzua për shkak të kërkesave të tij për pagë. Askush nuk dëshiron t’i paguajë brazilianit më shumë se 10 milionë euro në vit, pa bonuset. /abcnews.al/