Qeveria dhe Ministria e Shëndetësisë pa përgjigje për kërkesën e restoranteve

Përgjigje të shkurtra nga Qeveria dhe Ministria e Shëndetësisë për kërkesat e pronarëve të restoranteve për dasma. Nuk ka ndonjë përgjigje specifike nga autoritetet se kur do të hapen restorantet dhe si do të funksionojnë, as nëse kjo çështje është diskutuar nga anëtarët e Komisionit për Sëmundjet Infektive. Nga ana tjetër, kafenetë dhe restorantet që veprojnë për një kohë të kufizuar janë plot me mysafirë. Në disa ambiente, numri i të ftuarve është më shumë se njëqind, duke respektuar protokollet me tavolina dhe distancë të largët. Pronarët e restoranteve të dasmave kërkuan të punojnë nën të njëjtat protokolle si objektet e hapura gastronomike.

Komisioni i sëmundjeve infektive dhe Ministria e Shëndetësisë monitoron situatën epidemiologjike në vend dhe opinioni do të informohet në kohën e duhur për ndryshimet e mundshme për masat dhe protokollet aktuale – deklarojnë nga Ministria e shëndetësisë.

Duam të theksojmë se protokollet bazohen në mendimin e Komisionit të sëmundjeve infektive, i cili bazohet në analizat e kryera apo pasqyrën epidemiologjike – thonë nga Qeveria e RMV-së.

Pronarët e restoranteve njoftuan protestë masive javën tjetër nëse qeveria nuk i dëgjon kërkesat e tyre. Propozimi është që dasmat, ditëlindjet, pagëzimet ose llojet e tjera të festimeve të organizohen si gala mbrëmje pa muzikë të gjallë, me tavolina me distancë dhe numër të kufizuar të të ftuarve. Sipas tyre, ata nuk do të jenë në gjendje t’i kompensojnë humbjet nëse nuk i hapin objektet së shpejti dhe në vend që të rimëkëmben, së shpejti do të flasin për mbylljen e plotë të bizneseve të tyre.

Andrea Çobanova