Qeveria e Kosovës miratoi strategjinë kundër korrupsionit

Qeveria e Kosovës në mbledhjen e sotme ka miratuar edhe strategjinë kundër korrupsion dhe planin e veprimit 2021-2023.

Zëvendëskryeministri Besnik Tahiri, i cili paraqiti draft-strategjinë kundër korrupsionit, tha se aktivitetet dhe alternativat vepruese të kësaj strategjie ndërlidhen kryesisht me sektorin politik.

Sipas tij, kjo strategji do të plotësohet me strategjinë e sigurisë.

“Aktivitetet dhe alternativat vepruese të kësaj strategjie ndërlidhen kryesisht me sektorin politik, në të gjitha rrafshet. Kur flasim për këtë, flasim për forcimin e mekanizmave kundër korrupsionit, rritjen e transparencës në financimin publik të partive politike dhe në fushatat parazgjedhore dhe në rritjen e transparencës tek administrata publike, ku ne kemi bërë disa hapa kyç në luftën kundër nepotizmit apo themi troç ‘punësimit me të njohur’, ku aplikimi është online. Me këtë strategji flasim shumë edhe për integritetin e zyrtarëve që janë në administratë të shtetit. Pastaj, pika 3 lidhet me zbatimin e ligjit dhe gjyqësorin. Pika 4 lidhet me prokurimin publik dhe menaxhimin e financave publike”, tha ai.

LEXO EDHE:

Back to top button