Rama: Hashim Thaçi ka gjithë mbështetjen e Shqipërisë
Edhe kryeministri i Shqipërisë, Edi Rama ka reaguar pas konfirmimit nga Gjykata Speciale të aktakuzës ndaj Hashim Thaçit për krime lufte.
Rama shkruan në Twitter, se Thaçi ka të gjithë mbështetjen e Shqipërisë në këtë betejë.
“Hashim Thaçi ka gjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacenueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj”, shkruan Rama në Twitter.
Ndryshe, pas konfirmimit të aktakuzës, Hashim Thaçi dha dorëheqjen nga posti si President i Kosovës.
Hashim Thaçi ka gjjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacënueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj🇦🇱🇽🇰
— Edi Rama (@ediramaal) November 5, 2020