Rama: Jemi “dhëndurë” në tentativë për në BE

Në përvjetorin e Fondacionit Gjerman “Friedrich Ebert” në Shqipëri, kryeministri i Shqipërisë Edi Rama foli për procesin e hapjes së negociatave me Bashkimin Europian.

Ai e ka cilësuar procesin e integrimit europian të paparashikueshëm për shkak të pengesave që mund ta hasen “rrugës”, duke përmendur këtu veton e vendosur nga Bullgaria.

Rama u shpreh se Shqipëria do të vazhdojë në hapat e saj, pavarësisht vendimeve që do të merren në Bruksel, duke ironizuar kushtet e njëpasnjëshme. Në këtë pikë Rama e quajti Shqipërinë një “dhëndër” në tentativë për t’u bërë pjesë e BE.