Ramos, mbrojtësi me tipare sulmues

Shumë futbollist në historikun e Real Madridit , posaqërisht sulmuesit nuk kanë arritur që të kalojnë pragun e 100 golave në fanellën e madrilenëve, mirëpo kjo nuk është ndonjë pengesë e veçantë për kapitenin e Realit, Serhio Ramos. Mbrojtësi madrilen shënoi 100 gola në fanellën e Realit në sfidën e Ligës së Kampionëve ndaj Interit.

Ramos luan si qendërmbrojtës , andaj detyra e tij kryesore është të mbrojë portën, por në shumë raste është treguar si vendosës për fitoret e skuadrës madrilene, për tituj evrpian, ashtu që kjo shifër nuk duhet të habis ata që njohin futbollin. Bota e futbollit ende nuk ka hasur ndonjë mbrojtës si Ramosi që ka prirje të golashënuesit.