Rita Ora, këngëtarja shqiptare që ka arritur famë ndërkombëtare, vazhdon të magjepsë publikun

Rita Ora, një zonjë e vërtetë në episodin e fundit të “The Masked Singer” ndërsa shkëlqen në të bardha

Rita Ora, këngëtarja shqiptare që ka arritur famë ndërkombëtare, vazhdon të magjepsë publikun si anëtare e jurisë në sezonin e 11-të të spektaklit televiziv amerikan “The Masked Singer”.

Këtë herë, ajo ka tërhequr vëmendjen me një paraqitje elegante dhe të rafinuar në episodin e ri të emisionit, duke u shfaqur si një zonjë e vërtetë e skenës.

Nëpërmjet disa fotografive të postuara në Instagram, Rita tregon se si të kombinosh stilin me klasin. Ajo është fotografuar e veshur me një fustan të bardhë të shkurtër, i cili kombinon një stil të thjeshtë me dantellë transparente për një prekje romantike dhe moderne.

Foto: Rita Ora/Instagram

Me flokët e kapura në topuz dhe aksesorët e përzgjedhur me kujdes, Rita theksoi shkëlqimin dhe bukurinë në çdo detaj të pamjes së saj.

Që nga paraqitja e saj e parë në versionin britanik të “The Masked Singer”, Rita ka treguar një aftësi të veçantë për të zhvilluar një ndërveprim autentik dhe argëtues me spektatorët dhe pjesëmarrësit e tjerë të programit.

Foto: Rita Ora/Instagram

Popullariteti i saj si gjykatëse ka tërhequr vëmendjen e producentëve amerikanë, të cilët e ftuan atë të bashkohej me ekipin e jurisë në edicionin amerikan të emisionit.

Rita Ora, e cila është një figurë e dalluar jo vetëm në muzikë, por edhe në botën e modës dhe të televizionit, vazhdon të na befasojë me shfaqje të mahnitshme si kjo e fundit.

Foto: Rita Ora/Instagram

Me një pamje që ngre standarde të reja për elegancën dhe me një ndikim që përhapet përtej skenave muzikore, Ora është një frymëzim konstant për shumë breza dhe një ambasadore e shkëlqyer e talentit shqiptar në botë. /Telegrafi/

Foto: Rita Ora/Instagram

 

Foto: Rita Ora/Instagram

LEXO EDHE:

Back to top button