Rritet numri i rasteve të reja me koronavirus në Kosovë

Njëzet e tetë persona kanë rezultuar pozitivë me COVID-19 të enjten (22 korrik), në Kosovë.
Sipas Ministrisë së Shëndetësisë këto rezultate dolën nga 2 mijë e 577 mostra të testuara. 18 pacientë u shëruan nga koronavirusi në 24 orët e kaluara, raste aktive mbeten 114, ndërsa nuk u shënua asnjë rast i vdekjes nga COVID-19.

- Advertisements -

Që nga fillimi i pandemisë, në mars të vitit të kaluar, Kosova ka regjistruar gjithsej 107,954 raste me koronavirus.

Prej tyre, 2,265 pacientë kanë vdekur dhe 105,575 janë shëruar.

Aktualisht në Kosovë është duke u zhvilluar vaksinimi masiv i qytetarëve, që do të thotë se të gjithë personat mbi 18 vjeç mund të regjistrohen për t’u imunizuar.

Deri të martën, në Kosovë janë dhënë mbi 333,705 vaksina.

Qeveria e Kosovës ka thënë se ka prioritet vaksinimin e 60 për qind të qytetarëve deri në fund të vitit.

LEXO EDHE:

Back to top button