MPB nesër do të realizojë ushtrim simulues në Graçan të Shkupit
Ministria e Punëve të Brendshme e Maqedonisë së Veriut ka njoftuar se nesër, më 10 qershor 2026, në periudhën nga ora 12:00 deri në orën 13:00, në fshatin Graçan të Shkupit, do të zhvillohet një ushtrim simulues.
Sipas njoftimit, për realizimin e ushtrimit në terren do të angazhohen nëpunës policorë dhe automjete zyrtare, çka mund të shkaktojë prani të shtuar të pjesëtarëve të shërbimeve të sigurisë në zonën e përfshirë.
MPB-ja u bën thirrje qytetarëve që do të ndodhen pranë lokacionit të ushtrimit të respektojnë udhëzimet e personelit zyrtar dhe të tregojnë mirëkuptim për aktivitetet e planifikuara.
Autoritetet theksojnë se bëhet fjalë për një ushtrim simulues të rregullt dhe jo për një situatë reale sigurie./Alsat.mk.
