Saktësisht sa ujë duhet të pimë për të humbur peshë?
Uji i pijshëm është një nga elementët bazë për një shëndet të mirë. Ndihmon trurin të qëndrojë vigjilent, qelizat të funksionojnë siç duhet dhe performancën gjatë stërvitjes të arrijë nivelet më të larta.
Ka edhe një përfitim tjetër të ujit, që është se na ndihmon të humbim peshë.
“Mund të na ngopë, duke na bërë të hamë më pak”, thotë dietologia Kelly Jones.
Pra, kur e mbushim trupin tonë me ujë – hamë më pak ushqim dhe kontrollojmë më mirë urinë. Përveç kësaj, një trup i hidratuar përballon peshën më lehtë.
“Hidratimi i dobët mund të nënkuptojë se trupi është në kërkim të lëngjeve përmes ushqimit. “Kjo mund t’i bëjë njerëzit të ndihen sikur po hanë më pak nëse pinë ujë para ose gjatë një vakti,” shton Jones.
Ne duhet të mendojmë për ujin si një mjet për ruajtjen e peshës, jo një plumb magjik për humbje peshe. Në vend që të pini për të maskuar urinë, është më mirë të pini rregullisht gjatë gjithë ditës për të ndihmuar në rregullimin e oreksit tuaj. Uji i pijshëm mund të ndihmojë në uljen e urisë në afat të shkurtër, por jo në afat të gjatë.
“Edhe pse ushtron presion mbi qelizat nervore në traktin tretës dhe dërgon sinjale në tru se jeni të ngopur, nuk zgjat shumë”, thotë Jones.
Që të ndihemi vërtet të ngopur, përveç ujit, na duhen edhe proteina, yndyra dhe fibra. Por një përfitim tjetër i ujit është se ai gjithashtu rrit shpenzimet tuaja të energjisë në pushim deri në 30 për qind brenda 20 minutave pas pirjes së ujit.
Sa ujë duhet të pimë në ditë?
Një rregull i përgjithshëm është që të gjithë duhet të pinë gjashtë deri në tetë gota 250 mililitra ujë në ditë. Por kjo varet nga gjinia, mosha, gjenetika, niveli i aktivitetit fizik dhe klima në të cilën jetojmë. Nëse jetoni në një klimë të nxehtë ose ushtroni shumë, ndoshta do t’ju duhet të pini edhe më shumë.
Përveç nevojave personale, ekspertët rekomandojnë një shtesë prej 500 deri në 600 mililitra ujë brenda tre orëve para stërvitjes dhe deri në një litër gjatë stërvitjes. Pas stërvitjes, rekomandohet të pini një litër ujë shtesë për kilogram të peshës trupore të humbur.
Kapsllëku, goja e thatë, lodhja, dhimbja e kokës, rrahja e shpejtë e zemrës dhe presioni i ulët i gjakut janë shenja që ju nuk po merrni ujë të mjaftueshëm dhe mund të jeni të dehidratuar.
Kini kujdes të mos e teproni me marrjen e ujit. Pasojat e marrjes së tepërt të lëngjeve janë një çekuilibër i lëngjeve brenda dhe jashtë qelizave, i cili ndodh kur trupi ka aq shumë lëngje sa mineralet si natriumi hollohen në gjak.
Përveç humbjes së peshës, pirja e shumë ujit ofron shumë përfitime të tjera që mund të ndihmojnë në humbjen e peshës. Hidratimi i duhur largon mbetjet nga trupi përmes urinimit dhe djersitjes, rregullon temperaturën e trupit, mbron indet e trupit dhe lehtëson stresin e kyçeve.
