Scholz bën thirrje për “një sistem të mbrojtjes ajrore në mbarë Evropën”

Kancelari gjerman Olaf Scholz ka thënë se duhet të ketë një sistem të përbashkët të mbrojtjes ajrore në të gjithë Evropën si mbrojtje kundër Rusisë.

Sipas Sky News, përcjell Telegrafi, Scholz e vlerësoi një sistem të tillë të propozuar si një “fitore sigurie për të gjithë Evropën”.

Ai tha në një fjalim në Pragë: “… [Vladimir] Putin do të shfrytëzojë çdo mosmarrëveshje mes nesh, çdo dobësi”.

Scholz gjithashtu dukej se sinjalizonte mbështetje për një ushtri të BE-së, duke shtuar se duhet të kishte një komandë ushtarake qendrore dhe “seli të BE-së”.

Ai shtoi gjithashtu se do të mirëpriste Ukrainën në bllok, por paralajmëroi se ajo do të duhet të vijë me reformën e votimit në Bruksel.