Sheqerinska: Anëtarësimi në NATO na dha rezistencë më të madhe

Ministrja e Mbrojtjes, Radmila Shqerinska e ftuar në emisionin “360 në Alsat” tha se anëtarësimi në NATO i dha një rezistencë të madhe politike vendit tonë, prandaj nuk duhet të merret si një ulëse me vendet e tjera anëtare të NATO-s. Anëtarësimi në NATO do të thotë edhe lufta ndaj kërcënimeve hibride, kërcënime kibernetike, dezinformatave, ndikimi ndaj cikleve zgjedhore ndikimi ndaj mediumeve…etj.

Mendoj se anëtarësimi në NATO na dha rezistencë më të madhe, forcë pak më të madhe politike që të ndjehemi të sigurt, por vendet e NATO-s nuk janë ulur në karrige dhe të relaksohen, tash jemi anëtare dhe nuk do bëjmë asgjë. Nëse e shihni dokumentin që do e diskutojnë liderët në samitin e së hënës, do shihni se vërtetë, fokus i madh është në atë sesi të ndërtohen kapacitetet ushtarake, që do ishte e pritshme, çfarë armatimi konvencional, çfarë politika nukleare të zhvillohen, si të pengohen llojet tjera të kërcënimeve fizike, por vëmendje e njëjtë, madje mendoj se edhe më të madhe këtë herë do jetë në tema të llojit të kërcënimeve hibride, kërcënime kibernetike, dezinformatave, ndikimi ndaj cikleve zgjedhore ndikimi ndaj mediumeve…-tha Sheqerinska.