Shkencëtarët zbuluan varrin e platonit? Inteligjenca artificiale zbulon një sekret të lashtë

Një studiues italian pretendon se ai dhe kolegët e tij kanë gjetur varrin e filozofit grek Platonit. Një i ri i quajtur Graziano Ranocchia pretendon se ai dhe bashkëpunëtorët e tij përdorën inteligjencën artificiale për të deshifruar papiruset nga qyteti antik i Herculaneum, i cili u shkatërrua nga shpërthimi i malit Vezuv.

Ranocchia dhe ekipi i tij analizuan një copë papirusi të djegur pothuajse plotësisht që u varros pas shpërthimit të Vezuvit dhe kështu zbuluan vendndodhjen e saktë në Athinë ku prehet Platoni i famshëm.

Ata deshifruan 1000 fjalë, që korrespondojnë me pothuajse një të tretën e tekstit, duke përdorur një “sy bionik”. Ata besojnë se do të përfundojnë analizën e papirusit deri në fund të vitit 2026.

“Krahasuar me botimet e mëparshme, tani kemi ardhur në një tekst pothuajse të rishikuar rrënjësisht, i cili përfshin një sërë faktesh të reja dhe specifike për filozofë të ndryshëm akademikë”, shkroi Ranocchia. Pastaj shtoi:

“Ndër të dhënat më të rëndësishme është se Platoni u varros në një kopsht të rezervuar vetëm për të në Akademinë e Athinës, pranë të ashtuquajturit Muzeu apo shenjtërorja e Muzave. Deri më tani dihej vetëm se ai ishte varrosur në Akademi.

Analiza e re zbuloi gjithashtu se Platoni dyshohet se ishte shitur në skllavëri, shkruan Daily Mail.

Deri më tani besohej se Platoni ishte shitur në skllavëri në vitin 387 para Krishtit gjatë qëndrimit të tij në Siçili në oborrin e Dionisit I të Sirakuzës. Në një pasazh tjetër, në dialogun mes personazheve, Platoni flet me përbuzje për aftësitë muzikore dhe ritmike të një muzikanti barbar nga Thraka”, tha Ranokia.