Shkollat ​​profesionale nuk kanë tekste përkatëse, ministri i Arsimit jep datën kur do të zgjidhet problemi

Gazetar: Miki Trajkovski

Ndërkohë që Ministria e Arsimit bën të ditur se po punon për nxitjen e arsimit të mesëm profesional, për një pjesë të mirë të lëndëve profesionale në shkollat ​​e mesme profesionale në vend prej vitesh nuk ka tekste shkollore, shkruan Alsat.

Ministri i Arsimit, Jeton Shaqiri, thotë se është i njoftuar me problemin dhe se po punohet për zgjidhjen e tij, por nga 1 shtatori.

“Këtë vit do të shqyrtohen të gjitha mundësitë që fëmijët nga 1 shtatori të kenë tekste për ato lëndë për të cilat deri më tani janë kryer thirrjet, siç duhet. Për ato lëndë që nuk ekzistojnë do të shpallim thirrje për të aplikuar profesorë që do të dorëzojnë dorëshkrime për ato libra”, tha Jeton Shaqiri – Ministër i Arsimit.

Profesorët thonë se secili ia del siç di dhe mundet. Disa përkthejnë tekste shkollore nga ish-Jugosllavia ose shkarkojnë përmbajtje nga interneti. Më pas nxënësit ose i shënojnë mësimet ose bëjnë fotokopje.

“Por, ne ia dalim disi në internet. Kryesisht përdorim të dhëna nga interneti. Në secilin drejtim mungon një nga lëndët e specializuara. Ky është një handikap për momentin”, u shpreh Keti Jankoska-drejtoreshë e shkollës së mesme Niko Nestor-Strugë.

Në Strugë u mbajt debat ku u fol për promovimin e arsimit të mesëm profesional, si mënyrë për të krijuar kuadro të kualifikuar dhe profesional që do t’i përgjigjen nevojave të tregut të punës./ Alsat.mk