Shqipëri, 1 viktimë dhe 11 raste të reja me COVID
Pas tre ditësh pa asnjë humbje jete nga COVID në Shqipëri, në 24 orët e fundit është shënuar sërish një viktimë.
MSH raporton se janë regjistruar 11 raste të reja nga 2,915 testime të kryera në totale.
Aktualisht po marrin trajtim spitalor 22 pacientë, nga të cilët 6 pacientë janë në terapi intensive. Në 24 orët e fundit janë shëruar 22 qytetarë, duke e çuar numrin e të shëruarve në 129,807 që nga fillimi i epidemisë.
