Speca të mbushura me patate në vend të mishit
Një pjatë e preferuar verore e shumë njerëzve janë specat e mbushur. E ndërsa shumica preferon të mbushura me mish dhe oriz, provoni këtë version me patate.
Kjo pjatë tradicionale ballkanike zakonisht përgatitet në mënyrën e vjetër, nga përbërësit bazë, por nëse dëshironi ta përmirësoni, sigurisht që mund ta bëni në disa mënyra.
(për 4 persona)
- 1 kg patate
- 1 qepë e madhe
- 2 thelpinj hudhre
- kripë
- piper
- 2 lugë piper të butë
- 1 dl vaj
- 8 speca me madhësi mesatare
Qëroni patatet dhe grijini në rende ose i prisni në kubikë të vegjël. Pritini imët qepën dhe hudhrën.
Kulloni patatet (sidomos nëse janë të grira), më pas shtoni qepën, hudhrën, kripën, piperin, piperin e butë dhe vajin. Të gjithë këta përbërës i përziejmë shumë mirë.
Lani mirë çdo spec, pastaj prisni dorezën nga sipër dhe mbusheni me përzierjen e patateve, por mos e shtypni fort që mbushja të mos ngjeshet.
Lyejmë me vaj një enë rezistente ndaj zjarrit dhe radhisim specat e mbushur pranë njëri-tjetrit. Pjesën tjetër të masës së patates e shtrijmë në tasin mes specave, i hedhim kripë dhe vaj dhe e vendosim në furrë të nxehur. Rriteni temperaturën në 200°C dhe piqini pa mbuluar për rreth një orë me të dy ngrohësit të ndezur, ose rreth 30 minuta të mbuluara dhe 10 minuta të pambuluara në programin e ajrosjes së furrës.
Sipas disa recetave, në fund të pjekjes mund t’i lyeni specat me 1,5 dl qumësht ose 100 gr krem të përzier me 1 dl ujë dhe t’i piqni në furrë për 10 minuta të tjera.
Shërbejeni të ngrohtë me krem të ftohtë.
