Stuhi e fortë godet Italinë – dy gra të vdekura
Një stuhi e fortë ka goditur disa pjesë të Italisë dhe sipas raportimeve deri më tani, të paktën dy persona kanë humbur jetën.
Në Latisana, në provincën e Udines, një grua vdiq pasi makina e saj ngeci në një nënkalim të përmbytur.
#Maltempo #FVG, prosegue il lavoro dei #vigilidelfuoco: il maggior numero di interventi si concentra in provincia di Udine, specie tra Latisana e Lignano (video) per allagamenti ed alberi abbattuti o pericolanti [#10settembre 19:30] https://t.co/6S8J1vIGkM
— Vigili del Fuoco (@vigilidelfuoco) September 10, 2026
Gruaja u mbyt në automjet dhe përpjekja e karabinierëve për ta shpëtuar atë ishte e pasuksesshme. Zona midis Latisana dhe Lignano u prek veçanërisht nga reshjet e dendura të shiut dhe përmbytjet që goditën këtë pjesë të vendit gjatë natës dhe mëngjesit.
Vdekja e dytë u regjistrua në Sinalunga, në provincën e Sienës. Një grua rreth 80 vjeç vdiq pasi u godit nga erëra të forta.
Sipas informacioneve fillestare, ajo u përpoq të mbyllte dritaren, por era ia theu xhamin dhe një copë xhami i preu venën.
Ajo vdiq nga gjakderdhja në shtëpinë e saj. Vdekja u konfirmua nga kryebashkiaku i Sinalunga-s, Edo Zakei, ndërsa rrethanat e ngjarjes janë ende duke u përcaktuar.
Stuhia shkaktoi probleme në të gjithë vendin. Në Milano, lumi Lambro doli nga shtrati gjatë natës, por niveli i ujit u tërhoq më vonë. Në Bergamo, u raportuan rrugë të përmbytura dhe makina të përmbysura, ndërsa në Valtellina 45 persona u evakuuan për shkak të një rrëshqitjeje dheu.
Situata ishte e vështirë edhe në pjesë të tjera të Italisë. Në Toskanë, u regjistruan më shumë se 63,000 goditje rrufeje, të shoqëruara me shira dhe erëra të rrëmbyeshme. Në Romë, pemë dhe degë ranë, rrugët u përmbytën dhe rrufeja shkaktoi një zjarr në pisha.
Njësitë e zjarrfikësve dhe policia patën një numër të madh ndërhyrjesh për shkak të pasojave të stuhisë.
