Sulmi ndaj Nord Stream, mund të duhet një vit që tubacioni të riparohet

Alexei Miller, kreu i kompanisë ruse të gazit natyror Gazprom, tha se mund të duhet një vit që tubacionet e dëmtuara Nord Stream të riparohen dhe se Rusisë ende nuk i ishte dhënë akses në zonën e dëmtuar.

Duke folur në konferencën e Javës Ruse të Energjisë në Moskë, Miller i bëri jehonë gjithashtu një thirrjeje të bërë nga presidenti Vladimir Putin se Rusia mund të ridrejtojë furnizimet e destinuara për tubacionet e dëmtuara Nord Stream në një qendër të re evropiane të gazit në Turqi, raporton Al Jazeera.