Të martën në Bruksel takimi i kryenegociatorëve, temat kryesore dinari dhe Ohri

Në Bruksel nesër janë ftuar për takim kryenegociatori i Kosovës, Besnik Bislimi dhe ai i Serbisë, Petar Petkoviq.

Ky i fundit një ditë më parë tha se në takim do të diskutohen të gjitha çështjet e rëndësishme për “deeskalimin e situatës, përfshirë formimin e Asociacionit të Komunave me shumicë serbe si dhe çështjen e dinarit”.

Këshilltari për media i Besnik Bislimit, Klisman Kadiu tha se ftesa për Bruksel potencon si fokus të agjendës së diskutimeve avancimin e zbatimit të Marrëveshjes së Brukselit dhe Aneksit Zbatues të Ohrit.