Të premten apo të dielën do të dihet se cilat perime dhe fruta do të kenë çmime të ngrira

Ministri i Ekonomisë Kreshnik Bekteshi ka bërë të ditur sot se të premten apo të dielën do të dihet se cilat lloje të perimeve dhe frutave do të kenë çmime të ngrira.

Siç tha Bekteshi, parametrat hyrës për pemët dhe perimet nga Ministria e Bujqësisë tashmë janë në Ministrinë e Ekonomisë dhe ende priten të dhënat nga Drejtoria doganore.

“Gjatë ditës së sotme, me shumë gjasa deri nesër do t’i kemi të gjitha të dhënat dhe të premten apo të dielën do ta informojmë publikun se cilat fruta dhe perime do të kenë ngrirje çmimi”, tha Bekteshi pasi bëri të ditur se janë duke u ngrirë çmimet e produkteve higjienike.