Tërmeti në Iran lë mbi 100 të plagosur, lëkundjet ndihen deri në Turqi

Një tërmet me magnitudë 5.8 ballë ka ndodhur  mesditën e sotme në një provincë iraniane.

Mediat e huaja shkruajnë se mbi 100 persona kanë mbetur të lënduar nga lëkundjet dhe mbi 200 shtëpi në zonat rurale janë dëmtuar.

Qendra Sizmologjike iraniane, e lidhur me Institutin e Gjeofizikës në Universitetin e Teheranit, raporton se tërmeti ka ndodhur në orën 13:38 me orën lokale.

Tërmeti goditi në një thellësi prej 12 km nga sipërfaqja e tokës.

Agjencia shtetërore e lajmeve të Turqisë raportoi se lëkundjet me intensitet të lartë u ndjenë dhe në Azerbajxhanin Lindor.

Deri më tani nuk raportohet për viktima, ndërsa në vendngjarje kanë mbërritur ekipet e emergjencave.

Irani ndodhet në një zonë sizmikisht aktive për shkak të disa linjave të mëdha gjeologjike që përshkojnë vendin dhe ka përjetuar disa tërmete katastrofike vitet e fundit.

Tetorin e kaluar një tërmet me magnitudë 5.4 goditi Khoy-n, duke lënë rreth 400 persona të plagosur, si dhe dëmtime të pjesshme ose të plota në qindra prona rezidenciale urbane dhe rurale.