Tetovë, 54 gjoba për mos-mbajtje të maskës mbrojtëse
Gjatë 24 orëve të kaluara, sipas statistikave të Sektorit për Punë të Brendshme Tetovë, për periudhën (16.09./17.09.) për mos mbajtjen e maskave mbrojtëse, për gjithsej 54 persona janë lëshuar urdhër pagesa për kundërvajtje. Gjatë kësaj periudhe, në rajonin e Tetovës dhe Gostivarit, nga Inspektorati Shtetëror Sanitar dhe Shëndetësor, janë përgatitur vendimet e reja për izolim për 21 persona kurse janë kryer kontrolle ndaj 323 personave me vendime të tilla dhe nuk janë konstatuar mosrespektime të vendimeve.
