Tre të lënduar dhe 400 mijë familje mbesin pa energji elektrike në Amerikë për shkak të stuhive të forta

Stuhi të shumta dhe të forta kanë lënduar tre persona si dhe ndalën energjinë në qindra mijëra familje, derisa i ftohti vërshoi Luginën e Ohajos, kaloi përmes Virxhinias si dhe në juglindje, të premten pasdite.

Në kulmin e stuhive në mbrëmjen e së premtes, mbi 240 mijë njerëz mbeten pa energji elektrike në Karolinën e Veriut, 131 mijë në Virxhinia dhe mbi 70 mijë njerëz mbeten pa rrymë në Virxhinia-n Perëndimore, sipas Poweroutage.us, pasi erërat arritën në 96-112 kilometra në orë në disa zona. Ndërprerjet po zvogëloheshin ngadalë gjatë orëve të natës.

Disa raportime për dëmet pasuan pasi një front i fuqishëm i ftohtë nxiti stuhitë në Virxhinia, Karolinën e Veriut dhe Maryland-in jugor.

Një person pësoi lëndime kur u godit nga një pemë që ra në Wirtz, të Virxhinia-s, sipas Shërbimit Kombëtar të Motit.

Në Karolinën e Veriut fqinje, një burrë u godit nga rrufeja derisa po punonte jashtë në Nash County.

Një tjetër person në Karolinën e Veriut u lëndua kur pema i ra në veturë.