Trump me një mesazh dhe foto të re kontroverse për ishullin e Danimarkës
Trump me një mesazh dhe foto të re kontroverse për ishullin e Danimarkës
Presidenti i SHBA-së, Donald Trump, ka përsëritur kërkesën e tij për të marrë kontrollin e Groenlandës, një territor autonom danez. Duke folur me gazetarët në Florida, pak para se të fluturonte për në Uashington, Trump tha se Danimarka “nuk mund ta mbrojë” ishullin.
“Ata janë njerëz të mrekullueshëm”, tha Trump për danezët, “por ata as nuk shkojnë atje”. Ai më pas shtoi: “Duhet ta kemi. Danimarka nuk mund ta mbrojë.”
Tema e Forumit Ekonomik Botëror në Davos
Trump njoftoi se Groenlanda do të jetë një temë diskutimi me udhëheqësit evropianë në Forumin Ekonomik Botëror në Davos këtë javë. Ai konfirmoi se do të udhëtojë atje nesër në krye të një delegacioni të madh amerikan.
Vetëm ne mund të sigurojmë paqen për të gjithë botën
“Pata një bisedë shumë të mirë telefonike me Mark Rutte-n, Sekretarin e Përgjithshëm të NATO-s, në lidhje me Groenlandën. Ranë dakord të takohemi në Davos të Zvicrës. Siç ua kam bërë të qartë të gjithëve, Groenlanda është thelbësore për sigurinë kombëtare dhe globale. Nuk ka kthim prapa – të gjithë bien dakord për këtë”, shkroi ai.
Shtetet e Bashkuara të Amerikës janë padyshim vendi më i fuqishëm në botë. Një pjesë e madhe e kësaj është rindërtimi i ushtrisë sonë gjatë mandatit tim të parë, dhe ky rindërtim vazhdon me një ritëm edhe më të shpejtë. Ne jemi e vetmja fuqi që mund të sigurojë paqen në të gjithë botën, dhe kjo arrihet, thjesht, me forcë”, shkroi Presidenti i SHBA-së Trump në profilin e tij në Truth Network.
