Tymi nga zjarret në Kanada parashikohet të arrijë deri në Norvegji

Zyrtarë norvegjezë kanë thënë se tymi nga zjarret në Kanada që ka pushtuar disa pjesë të SHBA-ve, si një mjegull e rëndë, pritet që ta kaplojë edhe Norvegjinë.

Shkencëtarë të klimës dhe atmosferës në Institutin Norvegjez për Hulumtime Klimatike dhe Mjedisore kanë përdorur një model të parashikimit të motit për ta parë se si tymi do të ‘udhëtonte’ nëpër atmosferë, raporton Associated Press.

Ky institut ka bërë të ditur se në pjesën jugore të Norvegjisë tashmë janë vërejtur disa partikula të tymit, i cili që nga 1 qershori është përhapur nëpër Grenlandë dhe Islandë.