Vazhdojnë dyndjet para bankave, qytetarët: Bankat të punojnë me dy turne

Të presësh me orë të tëra për të hyrë në një bankë është bërë një përditshmëri për qytetarët, të cilët të revoltuar, kërkojnë që bankat të punojnë në dy ndërrime, që të gjithë të mund ti kryejnë detyrimet e tyre, por edhe të zvogëlohen turmat.

“A duhet që bankat të aplikojnë ndërrim të dytë? Po. A prisni gjatë për të hyrë në një bankë? Po, sigurisht, si jo”.

“Kartela ime është bllokuar në bankomat, më thanë sot të vij në orën 11 dhe çfarë po ndodh, shkruan se banka nuk do të funksionojë. Ata duhet të punojnë si më parë. Kjo është anormale, nuk është e shëndetshme. Nuk kam marrë pension, e marr në fund të muajit për të shmangur turmat”.

Bankat nuk ndryshojnë qëndrimin se kanë bërë gjithçka për të mbrojtur shëndetin e qytetarëve. Orari i punës është organizuar tashmë në përputhje me rekomandimet e autoriteteve shëndetësore.

Bankat që nga fillimi, pra nga momenti i shpalljes së gjendjes së jashtëzakonshme në vend për shkak të pandemisë Covid-19, marrin të gjitha masat e nevojshme për të mbrojtur shëndetin e punonjësve dhe të klientëve të tyre. Bankat e organizojnë orarin e punës në përputhje me rekomandimet e institucioneve kompetente – thonë nga Shoqata e Bankave të Maqedonisë.

Sipas vendimit të Qeverisë, ndalimi i grupimit të më shumë se katër personave nuk vlen për qytetarët që kryesisht presin një shërbim nga një operator ekonomik ose institucion. Në këtë rast, vetëm mbajtja e një distance prej 2 metrash duhet të respektohet për qytetarët që presin të kryejnë detyrimet e tyre në banka.

Andrea Cobanova