Von der Leyen: Çmimet e gazit janë më të ulëta tani se para pushtimit

Çmimet e gazit tani janë më të ulëta në BE se përpara pushtimit rus të Ukrainës, tha presidentja e Komisionit Evropian Ursula von der Leyen.

“Ne duhet të vazhdojmë të rrisim presionin ndaj Rusisë dhe, natyrisht, ne do të vazhdojmë mbështetjen tonë të palëkundur për Ukrainën,” shtoi ajo në një konferencë për shtyp.

Në fillim të presidencës gjashtëmujore të Suedisë me Bashkimin Evropian, Von der Leyen tha se Rusia kishte shkurtuar furnizimet me gaz të BE-së me 80 për qind në tetë muajt që nga fillimi i konfliktit në Ukrainë, por se BE-ja e kishte kompensuar duke u diversifikuar.

“Pa dyshim, para luftës ne ishim shumë të varur nga karburantet fosile ruse. Dhe Rusia përfitoi nga kjo varësi dhe filloi të zhvillojë një luftë energjetike.

Rusia u përpoq të na shantazhonte, por dështoi falë unitetit tonë. Puna e vështirë dha rezultat. “Çmimet e gazit janë më të ulëta tani se përpara pushtimit rus,” tha ajo në një konferencë të përbashkët shtypi me kryeministrin suedez Ulf Kristerson në Kiruna, Suedi.