Vuqiç publikoi fotografi të krimeve monstruoze të mafias në Serbi
Presidenti Serb, Aleksandar Vuqiç gjatë ditës së djeshme në konferencë për shtyp ka prezantuar disa fotografi nga krimet që kanë kryer grupet kriminale në Serbi, transmeton Alsat.
“Serbia kohën e fundit ka arritur të ballafaqohet me disa grupe kriminale, të cilat kanë kryer një numër vrasjesh”, pohoi Vuqiç.
Në konferencë për shtyp u publikuan fotografi të krimeve për të cilat akuzohet grupi kriminal i udhëhequr nga Veljko Belivuk (Velja Nevolja). Në pamje shihen trupa të pajetë të masakruar dhe armë, respektivisht snajper.
“Ne, tek anëtarët e këtij grupi të famshëm kriminal (Veljko Belivuk) që është prapa grilave, për herë të parë arritëm të bëjmë diçka në kuptimin teknik. Ne kemi importuar pajisje që nuk i kishim përdorur më parë. Anëtarët e grupit kriminal kishin foto dhe fytyra të shënuara të njerëzve në Ministrinë e Brendshme dhe BIA, të cilët ishin përndjekur. Këta janë operativë që luftuan drejtpërdrejt kundër tyre dhe patën sukses. Ata rrezikuan jetën e tyre, por patën sukses”, tha Vuqiç.
