Zaev: Nuk pranojmë pretendimet që gjuha maqedonase buron nga gjuha bullgare

Për kryeministrin Zoran Zaev nuk janë të pranueshme pretendimet se gjuha maqedonase buron nga gjuha bullgare.

I pyetur se si i komenton shkrimet e portalit “Politico”, ku thuhet se ka kompromis nga pala bullgare, sipas të cilës Këshilli Ambasadorëve ka arritur marrëveshje, ku Bullgaria nuk do të bllokojë Konferencën Ndërkombëtare të Maqedonisë me BE-në dhe do ta njohë identitetin maqedonas, por që sipas tyre Maqedonia e Veriut duhet të pranojë “të vërtetën historike”, që identiteti maqedonas është i bazuar në atë bullgar.

“Nuk është e pranueshme”, tha kryeministri Zaev, duke shtuar se nuk ka asnjë informacion për asnjë marrëveshje ose kompromis për çfarë shkruan portali nga Brukseli.

“Kjo është ndjenja jonë dhe natyrisht nuk duhet të ketë negociata për identitetin tonë. Bullgaria e njeh realitetin dhe besoj se grupet e punës do të gjejnë zgjidhje. Dhe unë pres që udhëheqja Bullgare të bëjë një hap përpara. Unë i inkurajoj komisionet që të vazhdojnë dhe të gjejnë periudhat që na lidhin në histori, që të festohen së bashku”, shtoi Zaev.

Informacione rreth shkrimit të portalit belg nuk kishte as presidenti Stevo Pendarovski, i cili tha se nuk komenton shkrimin që ende nuk e ka lexuar.

Ndërkohë, ish-kryeministri suedez Carl Bildt ka shkruar në llogarinë e tij në Twitter duke thënë se diplomatët e BE zhbllokuar rrugën e Maqedonisë drejt BE-së.

LEXO EDHE:

Back to top button