Zbulohet lidhja mes autizmit dhe aditivit plastik

Dekadat e fundit kanë parë një rritje alarmante të diagnozave të çrregullimeve të spektrit të autizmit dhe çrregullimit të hiperaktivitetit të deficitit të vëmendjes (ADHD), zbulon hulumtimi më i fundit shkencor.

Një studim i ri tregon për rolin e mundshëm të bisphenol A (BPA), një aditiv i zakonshëm në plastikë, në këtë prirje alarmante. BPA është një komponent i kudondodhur i proceseve të prodhimit të plastikës, shpesh i pranishëm në paketimin e ushqimeve dhe pijeve. Hulumtimet e mëparshme shkencore kanë lidhur BPA me çrregullimet hormonale, duke përfshirë kancerin e gjirit dhe infertilitetin.

Hulumtimi u krye nga shkencëtarë nga Universiteti Rowan dhe Universiteti Rutgers në Shtetet e Bashkuara. Shkencëtarët ekzaminuan në mënyrë specifike procesin e glukuronidimit, një mekanizëm kimik që trupi përdor për të hequr toksinat nga qarkullimi i gjakut përmes urinës.

Rezultatet e hulumtimit theksuan një ndryshim të dukshëm në aftësinë e fëmijëve me autizëm dhe ADHD për të eliminuar në mënyrë efektive BPA dhe një përbërës të lidhur të quajtur dietilheksil ftalat (DEHP). Kjo mangësi e zbuluar rishtazi i ekspozon këta fëmijë për periudha më të gjata ndaj efekteve toksike të këtyre kimikateve.

Tek fëmijët me autizëm, detoksifikimi u ul me afërsisht 11 për qind, ndërsa te fëmijët me ADHD u ul me 17 për qind në krahasim me grupin e kontrollit.

Shkencëtarët sugjerojnë se mutacionet gjenetike në individë të caktuar ndërhyjnë në largimin e duhur të BPA nga trupi duke lejuar që substanca të zgjatet dhe potencialisht të ndikojë në zhvillimin dhe funksionin e neuroneve.