10 të vdekur mes tyre edhe fëmijë pas zjarrit në një ndërtesë në Lion

Dhjetë persona, duke përfshirë pesë fëmijë të moshës tre deri në 15 vjeç mbetën të vdekur nga një zjarr të premten që përfshiu një ndërtesë banimi në qytetin juglindor francez të Lionit.

Katër persona të tjerë mbetën të lënduar rëndë nga zjarri që filloi rreth orës 03:00 të mëngjesit në katin e parë përpara se të përhapej në ndërtesën shtatëkatëshe, thanë autoritetet e shpëtimit, shkruan Reuters, transmeton Klankosova.tv.

Zyra e prokurorit të Lionit hapi një hetim për të përcaktuar se si shpërtheu zjarri dhe tha se nuk mund të përjashtonte asnjë hipotezë përfshirë zjarrvënien.

Një e treta e popullsisë së Vaulx-en-Velin jeton nën pragun e varfërisë, në atë që është një nga zonat e shumta të larta të Francës, të zhvilluara me nxitim në gjysmën e dytë të shekullit të 20-të për të lehtësuar mungesën e strehimit dhe për të akomoduar valët e emigrantëve.