Ndërron jetë finalistja e Miss Universe në moshën 23-vjeçare

Finalistja australiane e Miss Universe, Sienna Weir ka vdekur në moshën 23-vjeçare dhe këtë lajm të trishtë e ka konfirmuar dhe familja e saj.

Sipas mediave të huaja, ishte marrë vendimi për t’i hequr aparatet që e mbanin në jetë, pasi pësoi një aksident disa javë më parë, duke kalëruar.

Agjencia e saj, Scoop Management, ndau një video që përmban një seri fotosh të finalistit të Miss Universe.

“Përgjithmonë në zemrat tona”, ka shkruar agjencia.

Modelja kishte dy diploma në letërsi dhe psikologji angleze nga Universiteti i Sidneit. Ajo shpresonte të transferohej në Londër për të qenë me familjen, si dhe për të ndjekur karrierën e saj.

Sienna ishte një nga 27 finalistët e Miss Universe Australiane në 2022. Në një intervistë me Gold Coast Magazine, Sienna diskutoi më parë dashurinë e saj për kalërimin.

“Familja ime nuk është shumë e sigurt se nga erdhi ky pasion, por unë kam hipur në kalë që kur isha 3 vjeç dhe nuk mund ta imagjinoj jetën time pa të”, tha ajo.