Aeroplanët për shuarjen e zjarreve qëndrojnë në hambar, nuk servisohen prej dy vitesh

Edhe pse aeroplanët “AirTractor” të destinuar për shuarjen e zjarreve, nuk fluturojnë për dy vjet, sepse nuk servisohen, kjo nuk ishte pengesë Drejtoria e Mbrojtjes dhe Shpëtimit në maj të këtij viti të sigurojë karburant për ta. Dihej se në muajt e ardhshëm avionët nuk do të ishin në gjendje të fluturonin. Kontrata për furnizimin me karburant u nënshkrua më 5 maj, me vlerë 50 mijë euro. Përveç karburantit të blerë, një kontratë sigurimi për tre aeroplanët, me vlerë afro 200 mijë euro, u nënshkrua vitin e kaluar, e cila skadon në shtator të këtij viti. Drejtori i Drejtorisë së Mbrojtjes dhe Shpëtimit thotë se këto prokurime ishin të nevojshme, edhe pse bëhet fjalë për procedura shumë të shpejta dhe të thjeshta, sesa lidhja e një marrëveshjeje për servisimin e avionëve.

 “Po sikur të kishim një aeroplan gati, por të mos kishim karburant. Një procedurë e tillë është shumë më e thjeshtë dhe zgjidhet shumë më shpejt se kjo, askush nuk e priste që i njëjti operator të apelonte dy herë në të njëjtën procedurë. Edhe gjatë hapjes ashtu edhe gjatë anulimit të procedurës për të kaluar nëpër negociata. Nuk mund t’i bësh tre blerjet siç duhet. Ata filluan në të njëjtën kohë, një aeroplan nuk mund të jetë i pasiguruar,  dhe ta dërgosh atë në servisim, dhe nga ana tjetër duhet të keni karburant që ai të fluturojë.”- deklaroi Bekim Maksuti- Drejtor i Drejtorisë së Mbrojtjes dhe Shpëtimit.

Maksuti thotë se procedura për servisimin e avionëve ka filluar dhe marrëveshja pritet të nënshkruhet në ditët në vijim. Megjithatë, që një aeroplan të fluturojë do të duhet të pritet deri në 45 ditë për tu servisuar.

“Procedura filloi tre javë më parë dhe jam i mendimit se duhet të kemi marrëveshje deri në fund të kësaj jave. Do të bëjmë një përpjekje që njëri prej tyre të përshtatet, pra t’i marrë të gjitha lejet të mund të fluturojë sa më shpejt, pra 20 deri në 30 ditë, sepse minimumi është nga 30 në 45 ditë, por do të përpiqemi tu bëjmë presion operatorëve, që të jenë në gjendje të kemi avion aktiv që mund të fluturojë.- pohoi Bekim Maksuti- Drejtor i Drejtorisë për Mbrojtje dhe Shpëtim

 Tre “AirTractors” nuk kanë qenë në funksion për dy vjet. Dy tenderat e shpallur për servisim dështuan pasi servisuesi, kërkoi shumë që është 40 për qind më e lartë nga ajo që e lejon Ligji i Prokurimit Publik. Për momentin, procedura do të kryhet me negociata të drejtpërdrejta për të gjetur një servisues, në mënyrë që aeroplanët të jenë funksional.

Andea Çobanova

LEXO EDHE:

Back to top button