Aksident në Elbasan, 5 pasagjer bllokohen brenda makinës

Një aksident është regjistruar mbrëmjen e sotme në Elbasan, i cili është i katërti në total që shënohet sot në rrugët e Shqipërisë, ku humbën jetë 3 persona dhe 8 të tjerë janë lënduar.

Nga aksidenti në aksin Elbasan-Metalurgji, ku janë përfshirë dy makina, mes tyre një furgon me pasagjerë, raportohet se 5 persona janë plagosur, disa prej tyre në gjendje kritike për jetën.

Zjarrfikësja po punon për të nxjerrë të plagosurit nga makina që është dëmtuar nga përplasja e fortë. Aksi është i mbingarkuar për shkak të kthimit të qytetarëve që kanë festuar natën e ndërrimit të viteve në Korçë dhe pika të tjera turistike në juglindje të vendit./Abcnews.al