Aktorja franceze Emmanuelle Debever , 60 vjeç, e cila pretendoi se Gerard Depardieu e sulmoi seksualisht, i mori jetën duke u hedhur në lumin Seine në Paris në të njëjtën ditë që u transmetua një dokumentar duke përdorur materiale për të mbështetur akuzat për abuzim seksual nga aktori, shkruan ” Daily Mail”.
Debever ishte ndër gratë e para që denoncoi sjelljen e keqe të Gerard Depardieu ndaj grave në industrinë e filmit. Më 7 dhjetor, në të njëjtën ditë që aktorja kreu vetëvrasje, u publikua programi kërkimor “Further Investigation” (Complement d’enquete), i cili ringjalli akuzat e tmerrshme ndaj Depardieu.
Ajo u takua me Depardieu në filmin e Andrzej Wajda, Danton. Më 5 qershor 2019, kur Depardieu u shpall i pafajshëm përkohësisht, Debever postoi një mesazh në Facebook-un e saj, së bashku me një foto të saj dhe Depardieu në film.
“Z. Depardieu u lirua sot nga akuzat për përdhunim dhe abuzim seksual. Pa koment. Në ‘Dunton’ luajta Louison, gruaja e re e Dantonit. Gjatë xhirimeve, përbindëshi u kënaq në shumë gjëra, duke përdorur intimitetin e karrocës. Ai rrëshqiti putrën e tij të madhe nën fund, duke thënë se e bëri atë ‘për ta bërë veten të ndihej më mirë’. Unë isha kundër”, ka shkruar Emmanuel.
Arsyeja që e bëri aktoren të vetëvritej nuk është e qartë dhe përveç një rastësie objektive, nuk dihet një lidhje e mundshme mes vdekjes së Debeverit dhe publikimit të dokumentarit për Depardieu.
Aktualisht, Depardieu përballet me një sërë akuzash për abuzim seksual, të gjitha këto që aktori i mohon me forcë dhe pretendon se çdo kontakt seksual ka qenë konsensual.
Disa individë në industrinë franceze të filmit pranojnë se ka probleme të përhapura me ngacmimet seksuale në industri.
