Ambasadori amerikan në Kosovë kujton viktimat e Masakrës së Reçakut
Ambasadori amerikan në Prishtinë Philip Kosnett, ka thënë të premten se bashkë me Kosovën nderon kujtimin për viktimat e Masakrës së Reçakut, e cila ka ndodhur 22 vjet më parë.
Today we stand with #Kosovo in honoring the memory of the #Recak Massacre victims and reaffirm our commitment to ensuring justice and closure for their families and loved ones.
— Ambassador Philip S. Kosnett (@USAmbKosovo) January 15, 2021
Përmes një postimi në rrjetin social, Twitter, ambasadori Kosnett ka thënë se Shtetet e Bashkuara vazhdojnë të jenë të përkushtuara për të garantuar drejtësi për familjet e viktimave dhe më të dashurit e tyre.
Masakra e Reçakut ka ndodhur më 15 janar të vitit 1999. Në mars të këtij viti NATO-ja nisi sulmet ajrore kundër caqeve të ushtrisë serbe për t’i dhënë fund dhunës në Kosovë.
Gjatë luftës në Kosovë humbën jetën rreth 13,500 persona, ndërsa 1,643 ende konsiderohen të pagjetur.
Po e ndajmë sërish me ju dokumentarin që ka realizuar ekipi i Radios Evropa e Lirë për 20-vjetorin e kësaj masakre.
