Amerika forcon praninë e NATO-s në Evropë: Porti grek është plot me mjete luftarake “Bradley” dhe “Abrams”
Anija mallrash e marinës amerikane Leeroy A. Mendonica dorëzoi dhjetëra automjete të blinduara në portin e Aleksandoupolis në Greqinë veriore si pjesë e përforcimit ushtarak të NATO-s në Evropë, raporton portali Enikos
“Nga anija janë shkarkuar tanket Abrams dhe mjetet e blinduara Bradley”, raportojnë mediat greke.
Shtohet se në port ka përfunduar edhe transferimi i njësive tokësore të Forcave të Armatosura të SHBA-së, i kryer në kuadër të bashkëpunimit me aleatët europianë për “mbrojtjen nga kërcënimet e sigurisë së përgjithshme të rajonit”.
The USA has delivered a large shipment of Bradley infantry fighting vehicles and Abrams tanks to #Greece to bolster #NATO presence in #Europe. pic.twitter.com/Yvc9ALAXgq
— Voice of Europe 🌍 (@V_of_Europe) March 18, 2024
Enikos theksoi rëndësinë e madhe të portit të Aleksandropolisit për SHBA-në dhe NATO-n, duke vënë në dukje se aty më parë ishin shkarkuar mbi 3000 armatime dhe mjete të rënda, të cilat u transferuan në Evropën Lindore, duke kaluar ngushticën e Dardaneleve.
Më herët, agjencitë raportuan se Rumania filloi ndërtimin e bazës më të madhe të NATO-s në Evropë.
Baza e re do të jetë në gjendje të strehojë deri në 10,000 personel ushtarak dhe personel mbështetës, dhe sipërfaqja e përgjithshme e objektit do të jetë rreth 3,000 hektarë. Kostoja e ndërtimit të ndërtesës llogaritet në 2.5 miliardë euro.
