Anulohet dueti i Mozzikut dhe Era Istrefit pak ditë pas paralajmërimit

Pak ditë më parë reperi i njohur, Mozzik paralajmëroj një bashkëpunim  të ri me këngëtaren, Era Istrefi.

Përmes një fotografie ku të dy shihen përkrah njëri-tjetrit, pritej që kënga të publikohej mesnatën e së enjtes (4 gusht).

Por, pak orë para kohës zyrtare të lasimit të tij, Mozzik bëri një postim në të cilin tha se projekti me Erën është anuluar.

Tutje në postim, Gramoz Aliu u ka kërkuar falje të fansave për pritjen ndërsa nuk ka zbuluar arsyet që kanë quar deri në anulimin e këngës.

“Projekti me Era Istrefin anulohet, iu kërkoj falje të gjithëve për pritjen! Shihemi shumë shpejt me projektet e reja”, ka shkruar Mozzik në postim.

Ndërkohë, edhe foto e dy artistëve tashmë është fshirë nga rrjetet sociale përkatëse të tyre.