Autoritetet ukrainase: Trupat tanë rrëzuan 18 raketa ruse të lëshuara natën

Komandanti i përgjithshëm i forcave të armatosura ka bërë të ditur se forcat ukrainase kanë rrëzuar 18 raketa ruse të lëshuara gjatë natës.

Valerii Zaluzhny tha se trupat e Vladimir Putin hodhën raketa ajrore, detare dhe tokësore, duke përfshirë “gjashtë raketa aerobalistike Kh-47M2 Kinzhal nga gjashtë avionë MiG-31K”, shkruan Skynews.

“Të 18 raketat u shkatërruan nga forcat dhe mjetet e mbrojtjes ajrore të Forcave Ajrore të Forcave të Armatosura të Ukrainës”, shtoi ai në Telegram.

Forcat Ajrore të Ukrainës thanë se gjashtë dronë “Shahed” të prodhuar nga Irani u rrëzuan gjithashtu, së bashku me tre drone zbulimi.

Kjo vjen pasi një valë sulmesh goditi kryeqytetin ukrainas Kiev gjatë natës, duke plagosur të paktën tre persona.