Casillas njoftoi në Twitter se është homoseksual dhe kërkoi falje
Portieri legjendar Iker Casillas ka deklaruar në Twitter se është homoseksual, gjë që shkaktoi reagime të shumta në publik. Menjëherë pas kësaj, ai e fshiu postimin e përmendur dhe shpjegoi se profili i tij ishte hakuar.
“Shpresoj se do të më respektoni. Unë jam homoseksual”, ka shkruar shkurt Casillas, pas së cilës e ka fshirë me shpejtësi postimin.
Më pas ai foli edhe një herë dhe këtë herë tregoi se profili i tij ishte hakuar, ndaj u kërkoi falje miqve të tij dhe komunitetit LGBT.
“Profili im është hakuar. Për fat të mirë, gjithçka është ashtu siç duhet. I kërkoj falje të gjithë miqve të mi dhe sigurisht, një tjetër falje komunitetit LGBT”, ka shkruar Casillas.
Cuenta hackeada. Por suerte todo en orden. Disculpas a todos mis followers. Y por supuesto, más disculpas a la comunidad LGTB. 🙏
— Iker Casillas (@IkerCasillas) October 9, 2022
Në karrierën e tij ai fitoi tre herë Champions League, pesë herë ishte kampion i Spanjës, ndërsa me kombëtaren fitoi një kampionat botëror dhe dy evropian. Ai mbrojti për Real Madridin për 16 vjet dhe ka mbi 500 paraqitje. Ai e përfundoi karrierën e tij me Porton në gusht 2020 pasi pësoi një atak në zemër.
Ai ishte i martuar me gazetaren Sara Carbonero me të cilën ka dy fëmijë. Ata u divorcuan në vitin 2021 dhe mediat spanjolle raportojnë se ai tani është në një lidhje të re me María José Camacho.
