Chris Rock: Mund t’iu besoni të gjitha grave përveç Amber Heard
Chris Rock: Mund t’iu besoni të gjitha grave përveç Amber Heard
Chris Rock është aktualisht në mes të turneut të tij “Ego Death Tour” dhe sapo ka arritur në Evropë, ku prezantoi komedinë e tij speciale në teatrin Royal Albert Hall në Londër.
Gjatë një pjese të shfaqjes së tij të 12 majit, komediani amerikan përmendi edhe aktoren Amber Heard.
57-vjeçari fillimisht nuk e anashkaloi shuplakën në “Oscars”, gjersa më pas u mor më shumë me gjyqin e Johnny Depp dhe Amber Heard.
“Mund t’iu besoni të gjitha grave përveç Amber Heard. Çfarë është ajo. Ajo ka bërë nevojën në shtratin e tij”, tha ai.
Johnny Depp Vs Amber Heard.
Chris Rock stand with Johnny Depp. #AmberHeardlsALiar #JohnnyDepp #JusticeForJohnnyDeep #AmberHeardIsAPsycopath pic.twitter.com/MQDhACtxm9— Valar 🏴☠️⚓🏴☠️🇨🇵 (@YusufNim) May 13, 2022
“Nëse ti e bën nevojën në shtratin e dikujt, thjesht je fajtor për gjithçka. Çfarë po ndodh aty? Dhe ata vazhduan lidhjen pas kësaj”, shtoi më tej aktori.
Në një moment të caktuar, Chris u bë më serioz teksa ka folur edhe për lirinë e fjalës.
“Të gjithë janë të frikësuar, e dini… e gjithë bota ka frikë të ofendojë. Kështu që njerëzit flasin më pak”, thotë më tej ai.
“Njerëzit thonë se duhet të jeni të kujdesshëm sepse fjalët lëndojnë, fjalët lëndojnë… e dini. Ka viktima të vërteta në botë, ato meritojnë të dëgjohen. E meritojnë dashurinë dhe dhembshurinë tonë. Por nëse të gjithë pretendojnë se janë viktima, atëherë askush nuk i dëgjon viktimat e vërteta”, tha mes shumë gjërash në fjalimin e tij Rock.
Ai ka qenë një nga yjet më të përfolur këtë kohë për shkak të goditjes nga Will Smith në “Oscars 2022”.
Kjo u bë pasi komediani u tall me kokën e rruar të bashkëshortes së tij, Jada Pinkett, për të cilën nuk ishte në dijeni se vuante nga një sëmundje.
