CNN: Shqipëria mbetet e hapur, s’ka nevojë për test COVID-19 apo karantinë

CNN i ka kushtuar një artikull vendeve të cilat mirëpresin sërish turistët amerikanë në këtë fillim viti 2021. E para në listë është Shqipëria, për të cilën shkruhet se mbetet e hapur për turistët amerikanë dhe s’ka nevojë për test ndaj COVID-19 apo karantinë. Gjithsesi shkruhet se është e pritshme ndonjë kontroll shëndetësor. Gjithashtu CNN informon edhe për masat e vetme kufizuese që ka Shqipëria, siç janë maska me detyrim apo ora policore. Shqipëria nuk është e vetme në listë, pasi në rajon janë edhe Serbia, Mali i Zi, Maqedonia e Veriut apo Bosnja dhe Hercegovina.