Diana ende kujtohet si “princesha e popullit” edhe 25 vjet pas vdekjes
Shënohen sot 25 vjet nga vdekja e princeshës Diana. Ajo humbi jetën pas një aksidenti me makinë, bashkë me të dashurin e saj Dodi Al fayed, në Paris, 31 gushtin e vitit 1997.
Në atë kohë, drejtuesi i mjetit u raportua i dehur dhe u përplas në një tunel, shumë pranë lumit Senë. Princesha e popullit, siç ende mbahet mend, ishte vetëm 36 vjeç.
Diana Spencer u martua në 1981 me princin Charles, pasuesi direkt i fronit britanik. Pas divorcit prej tij, Diana vazhdoi punën e saj filantropike dhe kujdes për dy djemtë, Princat Uilliam dhe Harry.
Çerekshekulli më vonë, Diana Spencer, mbahet mend pikërisht për punën e saj humanitare, si princesha e popullit, por edhe si ikonë e stilit dhe sharmit./A2CNN
