Dolly Parton vaksinohet duke kënduar
Ylli amerikan Dolly Parton është vaksinuar, ndërkohë që u ka bërë thirrje të tjerëve të ndjekin shembullin e saj.
Ajo zgjodhi të këndojë duke përcjellë kështu mesazhin e saj: “Vaksina, vaksina, vaksina, vaksina, unë po të lus ty, të lutem mos hezito. Vaksina, vaksina, vaksina, vaksina, pasi kur të vdisni, atëherë është vonë”.
Këngëtares 75-vjeçare iu injektua një vaksinë e zhvilluar nga Moderna, për të cilën ka financuar vetë dhe e mori në Qendrën Mjekësore të Universitetit Vanderbilt në Nashville, Tenesi.
Muzikantja fituese e Grammy tha se kishte pritur për vaksinimin e saj. Muajin e kaluar Parton i tha Associated Press se donte të priste derisa vaksinat të ishin më të disponueshme.
