Dy milionë pensionistë të rinj: Erdogan hoqi moshën e daljes në pension

Presidenti turk, Recep Tayyip Erdogan hoqi të mërkurën kufirin e moshës për daljen në pension. Me këtë akt më shumë se dy milionë punëtorë mund të dalin menjëherë në pension.

Partia AK në pushtet e Erdoganit javën e kaluar ka rrit pagën minimale si pjesë e një fushate për të rifituar mbështetjen e goditur nga inflacioni, një rënie e lirës dhe një rënie e mprehtë e standardeve të jetesës.

Partitë opozitare dhe analistë ekonomikë mendojnë se kjo lëvizje është populiste dhe se ekonomia tashmë e tronditur turke do të pësojë një goditje të madhe pas këtij vendimi, raporton bbc.

Më parë, mosha e daljes në pension ishte 58 vjeç për gratë dhe 60 për burrat. Nuk është ende e qartë se sa do të kushtojë sistemi i ri, por Erdogan tha se 2.25 milionë njerëzve u është dhënë e drejta për të dalë në pension. Aktualisht në Turqi janë 13.9 milionë pensionistë.

Grupet e punës kanë protestuar kundër kriterit të moshës minimale prej disa vitesh, duke kërkuar që punëtorëve t’u kërkohet të kryejnë një numër të detyrueshëm të ditëve të punës para daljes në pension. Ky veprim pritet t’i jep shumë pikë Erdoganit përpara zgjedhjeve të qershorit.

Vitet e fundit, Erdogan ka miratuar shumë politika ekonomike jokonvencionale që kanë ndihmuar t’i bie vlera e lirës.