Jennifer Lopez nuk e fsheh aspak dashurinë dhe admirimin që ka për Ben Affleckun.
Këngëtarja dhe aktorja e famshme 52-vjeçare, e ka shoqëruar të dashurin e saj në premierën e filmit “Last Duel”, të shtunën që është mbajtur në New York.
Ben Affleck është një prej skenaristëve të filmit, bashkë me aktorin tjetër Matt Damon. Affleck ashtu sikur edhe Damon kanë edhe role në film.
Ndërkohë, J.Lo. ka publikuar fotografi nga premiera, teksa në njërën prej tyre ajo shihet duke e shikuar me admirim të dashurin e saj, derisa ai flet para gazetarëve për projektin e tij filmik, i cili pritet të jetë shumë i suksesshëm.
Jennifer dhe Ben e kanë zyrtarizuar lidhjen muaj më parë, ndërkohë që aktualisht ata janë një prej çifteve më të përfolura hollivudiane.
Dy aktorët kanë qenë të fejuar disa vite me parë, mirëpo e patën ndërprerë lidhjen pak para martesës, për arsye që asnjëherë nuk u bënë të ditura.
