Ekspertët: Bashkësia Evropiane nuk cenon integrimin

Gazetar: Lluka Andreev

Komuniteti Politik Evropian nuk është zëvendësues i anëtarësimit të plotë në BE, vlerëson drejtoresha e Institutit për Politika Evropiane, Simonida Kacarska. Pas Samitit të parë të djeshëm të komunitetit të ri, ajo thotë se Bashkimi Evropian kishte synime më të mëdha se sa të menaxhonte proceset në vendet e një rajoni të vogël, siç është Ballkani Perëndimor. Sipas Kacarskas, BE-ja dje arriti t’i afrojë Britaninë e Madhe dhe Turqinë afër vetes, veçanërisht në momentin aktual gjeopolitik.

“Nuk mendoj se rreziku kryesor për të përfunduar në dhomë pritjeje në kohë afatgjatë vjen nga komuniteti politik evropian. Është shumë më e mundshme që nëse vazhdohet kjo lloj politike e zgjerimit të BE-së, e cila është mjaft e ngadaltë, e rëndë, e ngarkuar me çështje dypalëshe, mund të ekzistojmë formalisht në të, por të përparojmë ngadalë. Nuk do të thosha se rreziku kryesor është në këtë format të ri”, tha Simonida Kacarska – Instituti i Politikës Evropiane.

Kacarska beson se ideja e presidentit francez Emanuel Makron ishte të tregojë lidership, por edhe të krijojë përshtypje se Evropa vepron e bashkuar. Sipas saj, është sukses që liderë me profile të ndryshme u ulën në të njëjtën tryezë. Ajo shton se kështu është edhe me liderët nga Ballkani, sepse nëse e shikon nga konteksti rajonal, ka mosmarrëveshje në politikën e jashtme gjegjësisht në drejtimet ku duhet të lëvizim.

“Nuk mendoj se kishte shumë hapësirë që vendet e vogla jashtë BE-së dhe nga profili ynë të kishin prani të madhe, në asnjë rast. Socializimi me ata liderë është padyshim i rëndësishëm, veçanërisht me liderët e BE-së, do të rikujtoja se për të gjithë ne, takime të tilla të mëdha ndoshta duhet të na e kujtojnë se duhet të punojmë në lidhjen rajonale, sepse vetëm kështu do të kemi zë më të madh”, shtoi ajo.

Ideja e një komuniteti politik evropian u nda për herë të parë nga Makron këtë pranverë dhe samiti i parë u mbajt dje në Pragë, vendi që drejton presidencën e BE-së. Samiti i ardhshëm është caktuar në Moldavi, i cili, sipas Kacarskës, është shembull i mjaftueshëm i synimeve që komuniteti i ri ka vendosur – pavarësia energjetike nga Rusia dhe strukturë e re e sigurisë./Alsat.mk