Filloi viti i ri akademik, interesim i lartë për shkencat natyrore
Thuajse në të gjitha fakultetet u zhvillua ora e parë akademike. Dekani i fakultetit matematiko-natyror, Aleksandar Skeparovski i kujtoi studentët se edhe këtë vit mësimi do të realizohet i kombinuar, me prezencë fizike dhe online varësisht numrit të studentëve në grupe dhe specifikat e programeve studimore.
Organizimi i mësimit teorik dhe praktik është bërë në atë drejtim që të sigurohet kombinim optimal që do të na mundësonte të mbajmë nivelin e duhur të cilësisë në procesin mësimor megjithatë edhe ti mbrojmë të gjithë pjesëmarrësit në atë proces mësimor, studentët dhe mësimdhënësit – u shpreh Aleksandar Skeparovski, dekan i Fakultetit matematiko-natyror.
Brucoshët që anketuam akoma nuk ishin të informuar nëse vitin e parë të studimeve do ta realizojnë nga distanca ose me prezencë fizike. Megjithatë ata theksuan se pavarësisht modelit të caktuar praktika nuk duhet të dështojë.
“Jam pak e emocionuar dhe kam frikë por shpresoj të kalojmë mirë. Për mua do ishte më mirë që mësimi të realizohet me prezencë fizike, megjithatë akoma nuk jemi të informuar si do të vijoj mësimi. Thuhet që mësimin do ta ndjekim në formë të kombinuar, online dhe nëse kemi ushtrime të shkojmë me prezencë fizike”.
“Supozoj të jetë online por po presim të na tregojnë në orën e parë. Për fillim vit më mirë do të ishte online”.
Vit të mbarë akademik studentëve u uroi edhe ministrja e Arsimit dhe Shkencës, Milla Carovska. Ajo theksoi se bursat prej 18 mijë denarë për Fakultetin matematiko – natyror ka rritur interesimin e maturantëve për tu regjistruar.
Melihate Rustemi
