Filmi biografik i Madonnës është ende në punime, zbuloi aktorja Julia Garner, e cila do ta luajë ikonën e muzikës
Aktorja Julia Garner ka konfirmuar se filmi biografik i shumëpritur për Madonnën, në të cilin ajo do të luajë ikonën e muzikës, është ende në proces. Projekti u pezullua në vitin 2023 për shkak të turneut botëror Celebration të Madonnës , i cili zgjat deri në maj 2024.
Garner, e njohur për rolet e saj në Ozark dhe Inventing Anna , e fitoi rolin pas një procesi intensiv zgjedhjeje, ku konkurroi kundër aktoreve si Florence Pugh dhe Sidney Sweeney. Ajo zbuloi se iu desh të këndonte dhe të kërcente para vetë Madonnës për ta bindur se ishte zgjedhja e duhur.
“Ne ende po punojmë për filmin,” tha Garner për revistën W. “Nuk mund të zbuloj shumë, por po – projekti është aktiv.”
Madonna, pas përfundimit të turneut, konfirmoi se po finalizon skenarin, por një datë premiere nuk është njoftuar ende nga Universal Pictures.
Garner tregoi gjithashtu se këngët e saj të preferuara të Madonnës janë Papa Don’t Preach, Borderline dhe Vogue, si dhe albumi Confessions on a Dance Floor .
“Më pëlqen gjithçka tek Madonna,” tha ajo. “Sidomos zëri i saj në Papa Don’t Preach – ka shumë emocione.”
