Fintek revolucion në Maqedoni: Flex Pay zyrtarisht mori licencë për lëshimin e parasë elektronike nga Banka Popullore

Në një periudhë të digjitalizimit intensiv të sektorit financiar, Flex Group konfirmoi dominimin e saj strategjik me një tjetër sukses kyç biznesi. Anëtarja e saj, Flex Pay, zyrtarisht mori licencë nga Banka Popullore e Republikës së Maqedonisë së Veriut për të operuar si institucion për para elektronike.  

Me këtë vendim, Flex Pay mundëson një alternativë moderne ndaj shërbimeve tradicionale të pagesave përmes zgjidhjeve të shpejta, të sigurta dhe plotësisht të digjitalizuara, duke sjellë një përvojë të re të pagesave të qeta dhe të padukshme. Ky sukses vjen si vazhdim logjik i rritjes rekord të Flex Group, një grup që përmes anëtareve të saj është i pozicionuar si numër 1 në tregun e Maqedonisë të shoqërive financiare.  

Për menaxhimin e kompanisë, licenca është vetëm pikënisja në realizimin e një ambicie më të gjerë globale.

„Marrja e licencës është konfirmim i profesionalizmit tonë, por për ne suksesi i vërtetë do të vijë kur do të ndërtojmë një institucion, që do të bëhet simbol global për shërbime moderne financiare. Duam të vendosim një standard të ri në treg ku besimi dhe inovacioni shkojnë paralelisht, duke krijuar vlerë për çdo përdorues,“ deklaroi Sashka Kostovska-Dlaka, drejtoreshë e përgjithshme e Flex Pay.  

Flex Pay planifikon të ripërcaktojë qasjen në transferet monetare dhe transaksionet, duke u udhëhequr nga motoja korporative: „Shërbime pagesash për të gjithë!“.  

Me këtë, Flex Group e kompleton ekosistemin e tij, duke ofruar një platformë të integruar që përfshin të gjitha aspektet e financave personale – nga kreditimi dhe sigurimi, deri te pagesat dhe zgjidhjet më moderne digjitale.